Dawladda Canada oo Al-shabaab ku dartey Liiska Argagixisada

08 03 2010
Dawladda Canada ayaa Ururka Khawaarijta Al-shabaab ku dartay Liiska Argagixisada Caalamiga ah ka dib markii ay dawladdu sheegtey in ay heshey xog tilmaamaysa in uu Ururkaas ku tababarey waddanka Canada gusihiisa Dhallin-yaro ka dhaadhiciyeen in ay is-qarxiyaan.
 
Wasiirka arrimahada Gudaha ee Waddanka Canada Vic Toews ayaa sheegey in ay dawladda Canada go’aansatay maanta in ay liiska argigixisada ku darto Ururka Al-shabab, oo khatar ku ah amniga dunida guud ahaan iyo kan Soomaaliya gaar ahaan.
 
Mamnuucidda ururkaan ayaa ah in aan loo oggalaan qof lagu tuhmo Al-shabaab in uu soo galo waddanka Canada, in aan loo aruurin Karin wax lacag ah iyo in wax taageero muraal iyo mid siyaasadeed aysan u fidin Karin dad deggan Waddank Canada Ururka Al-shabaab.
 
Ma ahan markii ugu horreysay ee Ururka Al-shabaab ay u aqoonsadaan Waddamada reer-galbeedku Argagixiso caalami ah, hore ayaa waxaa ugu aqoonsaday waddanka Mareykanka, iyadoo Asbuucii la soo dhaafey uu waddanka Ingiriisku u aqoonsaday Argagixiso Caalami ah Ururka Khawaarijta Al-shabaab.
 
Arrintaan ayaa wax weyn ka qaadanaysa sii jiritaanka Ururka Al-shabaab, maaddaama waddamada Reer-galbeedku u aqoonsadeen Urur Mamnuuc ah, sababta oo ah waxay ka heli jireen Soomaalida qaarka ay isku fikirka yihiin dhaqaale aad iyo aad u farabadan, taasoo yasan heli doonin hadda wixii ka dambeeya.
 
Xafiiska War-qabadka Ee Mustaqiim
Canada,
E-mail: mustaqiimcom@hotmail.com