Banaan bax ka dhan ah Khawaarijta ow hor muudka ka yahay Xasan Daahir Uways oo Muqdisho ka Dhacay, kadib markii ay kufsadeen Haweenay 8 caruura leh. Ceebadanaa, Ilaahow hana ceebayn

07 03 2010
Bannaan bax xooggan oo looga soo hor jeedo Khawaarijta Xisbul-Shaydaan ayaa Shalay ka dhacay agagaarka Isgoyska xarar yaale ee degmada war dhiigleey ee gobolka Banaadir.
 
Bannaan baxaan ayaa ka dambeeyay ka dib markii Khawaarijta Xisbul-Shaydaan ay xalay kufsadeen haweenay ka mid ah dadka deegaanka, oo shalay gelinkii dambe ka wateen deegaanka xarar yaale kadibna ay kufsadeen ayagoo 8 qof gaaraya.
 
Xaaladda deegaanka iyo dareenka Shacabka ayaa Shalay aad u kacsanayd, waxaana subaxnimadii hore ee Shalay weerar ku qaaday fariisin ay Xisbul-Shaydaan ay ku lahaayeen saldhigga wardhiigleey oo ku dhow isgoyska xararyaale dhalin yaro deegaanka ah, waxaana halkaas ka dhacay iska hor imaad kooban.
 
Shacab fara badan ayaa mar kale isugu soo baxay xaafaddaasi, waxaana istaagay dhamaan dhaqdhaqaaqii gaadiidka ee wadada wadnaha, ayadoo taayarro lagu gubay waddada dhexdeeda.
 
Haween fara badan oo ku dhawaaqaya Xisbul-Shaydaan ha dhacaan ayaa isugu soo baxay meelo badan oo xaafadda xararyaale ka tirsan, waxaana lagu warramayaa in goobta ay ka carareen dhamaan maleeshiyaadkii ku sugnaa.
 
Ehellada Haweenayda la kufsaday ayaa inoo xaqiijiyay in hawenayda oo da’deda lagu sheegay 48 sano la geeyay Isbitaal si loo daweeyo, ka dib markii ay jir dil xooggan u geysteen, haweeyneydu waa Hooyo leh 8 caruur ah.
 
Wixii warar ah eek u soo kordha arrintaan waan idiin soo gudbin doonnaa hadduu alle idmo.