Odayaal dhaqmeedyada Jubbooyinka oo ka horyimid Hawlo ay waayadaan ka wadeen Kooxda Khawaarijta Al-shabaab Goballada Jubbooyinka

07 03 2010
Wararka naga soo gaaraya Goballada Jubbooyinka ayaa waxay sheegayaan in ay iska horyimaadeen Odayaal-dhaqameedyada Jubbooyinka iyo Isticmaarka Kooxda Khawaarijta Al-shabab.
 
Odayaasha dhaqamada Jubbooyinka ayaa horjoogayaasha Khawaarijta Al-shabaab u sheegey in aysan ku qanacsanayn waxa ay wadaan, iyagoo ku tilmaamay hawlaha ay Khawaarjtu ka wadaan Jubbooyinka mid aan loo dul-qaadan karin.
 
Odayaasha Dhaqanka ayaa ka kacay ka dib markii Shacabkii ay dacwad ka dhan ah Al-shabaab uga timid. Wararka ayaa waxay intaas ku darayaan in Kooxda Khawaarijta Al-shabaab ay waayadan oo dhan ka wadeen Magaalada Kismaayo iyo dhammaan Jubbooyinka Qafaal xoog leh oo ay ku daabulayeen carruurta yar-yar oo da’doodu u dhaxayso 10jir ilaa 15jir.
 
Sida wararku ay sheegayaan waxay kaxaysteen 4toddobaad ee ugu dambeysay carruur ka badan 100laal oo iyaga oo dadkoodu ogeyn la kaxaystey.
 
Odayaasha dhaqamada ee ku nool Jubbooyinka oo shir gaar ah qaatey ayaa gebi ahaamba ka soo horjeestey hawlaha aan diinta iyo dhaqanka waafaqsanayn ee Al-shabaab ka waddo Goballada Jubbooyinka.
 
Odayaasha iyo Al-shabaab oo kulmay shalay ayaanan la isku waafiqin iyadoo lagu kala tagey shirkii ay isugu yimaadeen. Dhanka kale odayaasha ayaa bilaabay in Shacabka si toosa ula hadlaan, halkaas oo Al-shabaab shalay ay u jeedisay digniino odayaasha iyagoo u sheegey in ay laynayaan haddii aysan joojin arrinta ay wadaan.
 
Xaaladda Magaalooyinka Jubbooyinka ayaa kacsan ka dib markii la waayey carruur ka badan 100laal, oo la waayey asbuucyadii ugu dambeysay, taasoo kalliftey in ay Odayaasha dhaqanku ka kacaan arrintaas.
 
Wixii wara ee arrintaas ku soo kordha kala soco wararka yaga dambe
 

Xafiiska War-qabadka Ee Mustaqiim
Jubbooyinka, Soomaaliya,
E-mail: mustaqiimcom@hotmail.com