Xafladi Qatinka Xuska Xabiibkeeni Muxamed (CSW) oo si weyn loogu soo gabagabaeeyay Magaalada Kampala (Daawo Sawiro)

06 03 2010
Xaflad Si weyn ay usoo abaabuleen Culuma’udiinka, Aqoonyahanada, Dhalinyarada iyo Haweynka Somaliyeed ee ku dhaqan Wadanka Uganda oo ku beegneed Munaasabad lagu soo gunaanadayay Xafladihi taxanaha ahaa ee lagu muujinayay Xuska Dhalashada Nabi Muxamed (CSW)
 
Xafladaan oo ay si weyn uga soo qeybgaleen qeybaha kala gedisan ee Bulshada Somalida wadanka Uganda iyo qaar kamid ah musliminta qowmiyadaha kunool wadanka Uganda.
 
Ugu horeen waxa xaflada lagu bilaabay Aayado Qur’aan ah xafladi ku furay Macalin C/llaahi yare iyadoo sidoo kalena qasiidooyin Macaan badan oo nabi amaan ah halkaasi kasoo jeediyay Macalin C/llaahi Quuri oo aad uqiiro geliyay quluubti dadki soo xaadiray munaasabadi habeenki xalay dhacday.
 
Aayadaha Qur’aanka Kariimka iyo Nabi amaanadi ka dambeeyay kadib waxa dhanka kale bilowday Wacdiyadi diiniga ahaa oo halkaa ay kasoo jeediyeen qaar kamid ah culuma’udiinka ahlusunnah Waljamaac ee magaalada Kampala.
 
Sheekh Nuur Cabdi Warsame (Guud Cad) oo kamid ahaa culimadi ka hadashay madasha ayaa waxa uu si weyn ugu nuux nuuxsaday sida looga baahan yahay dadka muminiinta ah in ay alla ka baqaan isla markaana Sahay udiyaarsadaan maalinta shida iyo cabsida badan ee Aakhiro oo qof waliba wixi cmaal ah oo maanta suubsadaa oo ku meel marayo.
 
Sheekh Maxamed Faarax Guutaale (Faandho) oo isna kamid ahaa culimadi ka hadashay xafladi xalay ayaa isna waxa uu ku dheeraaday ka sheekeenta maalmaha lagu weyneenayo Xuska alle iyo rasuulkiisa Muxamaed CSW ayaa ugu dambeentina waxa uu dadki kasoo qeybgalay alle uga baryay in uu ku maqaam gaarsiiyo qeyrka ay sameenayaan.
 
Waxa sidoo kale hadal kooban halkaa kasoo jeediyay Sheekh Ax’ed Salaad Kadiye oo ah G/K/Xigeenka Culuma’udiinka Ahlsunnah ee wadanka Uganda oo isna ka hadlay muhiimada looga baahan yahay Dadka Islaamka in ay diintooda bartaan waxa uuna sheekha si aad ah ugu nuux nuuxsaday in ay naaqis tahay ruuxi la yimaado camal aan cilmi laheen waxa uuna si aad ah ugu booriyay dadki kasoo qeybgalay gaar ahaan dhalinyarad in ay diinta bartaan hadii ay ahaan lahaayeen hablo iyo rag intaba.
 
Sheekh Ismacil Sheekh Cali Rooraaye oo ah Madaxa Arimaha bulshada ee Culama’udiinka Ahlusunnah ee wadanka Uganda oo isna halkaa kasoo jeediyay qudbad qiiro galisay inti kasoo qeybgashay Xaflada qatinka bisha mowliid isagoo si aad ah ugu nuux nuuxsaday Fadliga iyo maqaamka lagu gaaro maxabada Rasuulka (C/S/W)
 
Sheekh Ismacil “ Asxaabta Nabiga (CSW) Waxa kaliya ee ku kala sara mareen waxa ay eheed ninba ninka kale inta uu ka jeclaan badan yahay Rasuulkeeni Muxamad (NNKH), taasna waxa ay kuu muujineesaa maxabada nabiga in aysan aheen yool la gaari karo balse waxa inoolaga baahan yahay inta karaankeena ah in aan iska doon doono “ ayuu yiri Sheekh ismacil Sheekh Cali Rooraaye
 
Madaxa Arimaha Diinta ee Culuma’udiinka Ahlusunnah Sheekh Xasan Aadan Cusman (Kamacle) ayaa isna waxa uu aad ugu dheeraaday qeyrka laga helayo abaabulka iyo uqidmeenta munaasabaha ceynkaan oo kale isagoo ugu bishaareeyay isla markaana dadki kasoo qeybgalay munaasabada alle uga baryay in uu maalinta yoomiul Qiyaahah ku kulmiyo kuna meel mariyo maxabada Rasuulka (NNKH)
 
Gaba gabadi qeybta hore ee Xaflada ayaa waxa soo gunaanaday Gudoomiyaha Culuma’udiinka Ahlusunnah waljamaac ee Wadanka Uganda Sheekh C/qaadir Macalin ibraahim Suni oo halkaa ugu horeen uga mahad celiyay dhamaan dadki isku soo abaabula kana qeyb qaatay habsoomi uqabsoomida xafladihi is xig xigay ee lagu muujinayay maxabada Rasuulka (CSW),
 
Sheekh Sunni, “ Waxanu leenahay Ajir iyo Xasanaad alaah kasiiyo Ragi iyo dumarki habeen iyo maalin utaagnaa ka qeyb qaadashada iyo abaabulka Xafladihi qiimaha Badnaa ee lagu muujinayay Maxabada Rasuulka (CSW) hadii ay ahaan laheed banaanbixi weynaa ee taariikhiga ahaa iyo itxtifaalooyinkii kale intaba waxanu leenhay ajir aan lasoo koobi Karin alaah kasiiyo”ayuu yiri sheikh suni.
 
Sheekh C/qaadir Suni ayaa dhanka kale waxa uu mahad gaar ah usoo jeediyay bahda Saxaafada Culuma’udiinka Ahlusunnah ee wadanka Uganda Gaar ahaan Gudoomiyahooda Sheekh Feysal Kulane iyo Shabakada Warsheekh oo si hagar la’aan ah uga qeyb qaadatay soo bandhiga Xafladaha Ay muslimiinta kunool wadanka Uganda gaar ahaa Soomaalida ay ku muujinayeen Maxabada Xabiibkeeni Muxamad (CSW)
 
Sheekh Suuni ayaa dhanka kale waxa uu musliiminta dunida gaar ahaan Culuma’udiinka ahlusunnah waljamaac meel kasta oo ay joogaan udiray baaq ku aadan in ay walaashadaan ayna qabsadaan xariga alle iyo sunada Nabiga loogana baahan yahay in ay wax walba oo midnimadooda wax udhimi karo ay ka waantoobaan.
 
Sheekh Suni ayaa sidoo kale waxa uu ka codsay in muslimiinti kasoo qeybgashay munaasabadi xalay ay iyaga bilaaban is gacanqabashada iyo is taageerida dhaxdooda ah isal markaana ay ku daydaan ahlusunnah meel walba oo ay dunida ka joogto.
 
Munaasabada xalay oo lagu soo gunaanaday sida caadada u ah culuma’udiinka ahlusunnah waljamaac Xilqo dikri taasi oo socotay ilaa Salaada Subax ay ka dhalato ayaa dhanka kale waxa tani aheen xafladi udambesay ay dhigaan Muslimiinta reer Uganda waxa tani ugaar aheen reer Kampla oo kalya waxana jiro doono xaflada caynkaan oo kala ah oo ka kala dhici doono dhamaan gobolada Dalka Uganda oo iminka culimada u amba baxayaan
 

Waa Qalinkii: C/raxman Sheekh C/llaahi
E-Mail: Farxad95@hotmail.com

 
Sawir Qaade
 
Feysal Kulane C/llahi Sh: C/nuur
E-Mail: kulane115@hotmail.com