Maamulka Ahlu-sunna Wal-jamaaca ee Goballada dhexe oo ugu baaqay Hay’adaha Samafalka in ay ka hawl-galaan Deegaannada ay maamulaan iyo Suxufiyiinta Soomaalida ee ka hawl gala Goballada dhexe oo lagu amray in ay iso soo diiwaan-geliyaan

03 03 2010
Maamulka Ahlu-sunna Wal-jamaaca ee ka arrimiya Goballada ayaa waxay ka codsadeen Dhammaan hay’ada gar-gaarka Bini-aadaminimada in ay ka hawl-galaan Goballada ay maamulaan Culimada Ahlu-sunna Wal-jamaaca.
 
Maamulka ayaa sheegey in ay sugayaan amnigooda, ayna tahay haatan marka loogu baahi badan yahay, iyadoo ay ka jiraan Goballada dhexe abaar baahsan, waxaa kaloo jira dad fara-badan oo soo qaxay oo kala yimid Koofurta Soomaaliya iyo Bartamahaba oo ay saameeyeen Xasuuqii Khawaarijta.
 
Hadalka Maamulka Ahlu-sunna Wal-jamaaca ee Goballada dhexe ayaa ku soo beegmaya xilli ay ka jiraan Waddanka Abaaro baahsan oo dad iyo xoolaba galaaftay. Wuxuu kaloo ku soo beegmayaa xilli ay Khawaatijtu u diidday in ay u gar-gaaraan dadka Soomaaliyeed ka soo barakacay Dagaalada ay huriyaan.
 
Dhanka kale wuxuu maamulka ku amrey wariye-yaasha Soomaaliyeed ee ka hawl-gala deegaannada ay maamulaan Culimada Ahlu-sunna Wal-jamaaca in ay isku soo diiwaan geliyaan muddo 3beri gudahood ah, taasoo qofkii isku soo diiwaan-gelin waaya muddadaas gudaheeda tillaabi sharci ah laga qaadi doono.
 

Xafiiska War-qabadka Ee Mustaqiim
Goballada dhexe, Soomaaliya,
E-mail: mustaqiimcm@hotmail.com