Qarax aad uxoog badan oo maanta ka dhacay xaafad ka mid ah Xaafadaha Magaalada Muqdisho

03 03 2010
Ka dib dagaallo aad u kharaar oo dhex mareyey baryahaan Khawaarijta Al-shabaab iyo Ciidamada AMISOM iyo kuwa Shariif Shaydaan ayaa waxaa ku baaba’ay Shacabweynaha ku dhaqan Magaalada Muqdisho.
 
Khawaarijta iyo Kooxda Shariif Shaydaan iyo AMISOM ayaa waxay isku adeegsadaan Hubka waaweyn ee aadka gumaada Shacabka, kuwaas oo ka caada yeeshey in ay ku tuuraan halka Shacabka Masaakiinta ah deggan yihiin.
 
Baryihii la soo dhaafey ayaa waxaa ka socday Magaalada Muqdisho Xasuuq aan loo aabba-yeelin oo lagu hayey Shacabka Magaalada Muqdisho halkaas oo ay ku dhinteen dad aad u fara-badan ayna ku dhaawacmeen dad aan la tirin Karin tira badnidooda awgood.
 
Magaalada Muqdisho ayaa horey waxaa uga qaxay dad aad u badan iyagoo u qaxay Goballada Dhexe ee ay Maamulaan Ahlu-sunna Wal-jamaaca, Kenya, Ethiopia, Ceelasha Biyaha, Puntland iyo Somaliland.
 
Intii ku hartey Magaalada Muqdisho ayaa waxay bilaabeen maanta in ay isaga qaxaan Magaalada Muqdisho, waxaana maanta aad looga qaxayey Xaafadda Hodan oo ka mid xaafadaha dagaalku waayadan saameeyey idagoo ilaa shalay lagu garaacayey madaafiic xoog badan oo daran-doorri ah halkaas oo lagu laayey maati badan kuwa kale oo badanna lagu dhaawacay.
 
Shacabka Dulmanaha ah ayaa waxaa sidaas u galaya dad ay dabada ka wada wadaan Ajaaniib, aanan dan iyo heello ka lahayn waddanka Soomaaliya iyo dadkiisaba.
 

Xafiiska War-qabadka Ee Mustaqiim
Muqdisho, Soomaaliya,
E-mail: mustaqiimcm@hotmail.com