XAFLAD WEYN OO KU SAABSAN MOWLIDKA RASUULKA-SCW, AYAA LAGU QABTAY DALKA MALAYSIA.

02 03 2010
Xaflad si heer sare ah loosoo agaasimay oo lagu weyneynayey Dhalashadii Nabigeena Muxammad-scw, ayaa Xalay oo Taariikhdu ahayd 16/ Ra.Awal 1431 Hijriyah kuna beegnayd 2/3/2010 ka dhacday Malaysia gaar ahaan Magaalada “Puchong” Xafladda oo ay soo qaban qaabiyeen dadweynaha Soomaaliyeed ee dagaanka ayaa waxay ka dhacday Masjidka weyn ee “Putra Perdana”
 
waxaana kasoo qeyb galay dadweynaha Soomaaliyeed iyo Mujtamaca Muslimiinta ee degaanka “Putra Perdana” oo aad ugu faraxsanaa sida ay Soomaalidu u qadariyeen una sharfeen xuska dhalashada Rasuulka-scw, sida ay iyaguba habeenadii lasoo dhaafay ixtifaalo waaweyn oo ku saabsan isla Munaasadan ugu qabteen inta badan dalkan malaysia.
 
Culamadii Soomaaliyeed ee ka hadlay waxay aad ugu dheeraadeen waajib-nimada, raacidda, jaceylka, iyo weyneynta, Rasuulka-scw, Culamadaasina waxaa kamid ahaa:
 

1- Prof: Xirsi Maxamad hilowle.
2- Sh. C/qaadir Sh. Maxamad Mataan-(Colow).
3- Sh. Maxamad Cawil Maxamuud.
 
iyadoo ay goob joog ka ahaayeen Culamaa’udiin iyo Mas’uuliyiin kale oo uu kamid ahaa: (Sh. Ismaaciil Sh. Cali Samatar).
 
Waxaa iyaguna halkaasi ka hadlay Culamaa’udiinka Maamulka Masjidka oo aad ugu Hanbalyeeyey Dadweynaha Soomaaliyeed sida Sharafta badan oo ay usoo diyaariyeen Weneynta Xuska Mowlidka Rasuulka-scw. Ugu danbeyntiina waxay Xafladaasi ku dhamaatay si aad u qurux badan.

 
W/D: Sh.C/qaadir Sh. Maxamad Mataan-(Colow).
shcolow@hotmail.com
Mobile: 0060-173817184