Sidee Waddanka Pakistan Looga weyneyey Mawliidka Nabiga

28 02 2010
Waddanka Pakistan wuxuu ka mid yahay waddamada Muslimiinta ah ee aadka looga xusey Mawliidka Nabigeenna Muxammed (SCW). Dawladda Waddanka Pakistan ayaa iclaamisey laba beri ka hor in ay fasax yihiin dhammaan xafiisa-yada dawladda, Goobaha Wax-barashada iyo gobaaha Ganacsigaba.
 
Ilaa iyo shalay, darraad iyo Maanta waxaa waddanka ka jirey isu-soo baxyo waa weyn oo ay dhigayeen Shacab Weynaha ku nool Wadddankaan Pakistan, waxaana magaalooyinka kala duwan ee waddankaan lagu arkayey Shacabka oo jidadka rac-rac u socda iyo gaadiid fara badan oo waddooyinka dhex marayey oo Makarafoonno waa weyn ku xirnaayeen, waxayna dad weynuhu ku dhawaaqayeen erayo wanaagsan oo ay Maalinta farxaddaan ah ay u qaadayeen, iyo weliba anaashiid ay nabiga ku ammaanayeenna ay qaadayeen.
 
Dawladda Pakistan ayaa dhammaan Shacabka reer Pakistan iyo Muslimiinta Caalamkaba ugu hambalyeysey maalintaan qiimiga leh ee ku aaddan dhalashada Nabigeenna Suubban (SCW), waxayna Alle uga baryeen in maalintaan teeda kale uu Muslimiinta Caalamka Khayr iyo barako ku gaarsiiyo.
 
Isku soo wada duuboo waddanka Pakistan ayaa kala qayb-qaadanayey muujinta maalintaan waddamada kale ee Muslimka ah iyo Bulsha weynta caalamka meel kasta oo ay joogaan.
 
Qaddarinta, soo dhaweynta iyo u dabaal-dagga maalintaan ayaa gebi ahaanba laga xusey dhammaan dunida Muslimka oo dhan, iyadoo Musliimta Caalamka oo dhan ay u arkaaan maalin in la qiimeeyo oo loo dabbaal-dago mudan.
 

Xafiiska War-qabadka Ee Mustaqiim
Karachi, Pakistan
E-mail: mustaqiimcom@hotmail.com