Ixtifaalo aad u waa weyn oo loogu Dabaaldagayey Dhalashadii Nabi Muxammad-scw ayaa ka dhacay Guud ahaan Wadankan Malaysia

28 02 2010
Sida ay ka hadashay dhamaan Warbaahinta Wadankan Malaysia
 
waxaa Maalintii Jimcaha oo ku ay Taariikhdu aheyd (12-ka R/Awal, oo ku beegneyd, 26 February 2010) ka dhacay Guud ahaan Wadankan Malaysia Ixtifaalo aad u waaweyn oo loogu Dabaaldagayey Dhalashadii Nabi Muxammad-scw, waxaana Wadooyinka waaweyn ee Magaalada Caasimadda isugu soo baxay Muwaadiniinta Wadankan Malaysia oo isugu jira Shaqaalaha dowalada kuwa Shirkadaha, Ardayda iskuulada Jaamacadaha, iyo Dadeweyne aad u fara badan oo isaga soo baxay Meel kasta oo kamid ah Caasimadda Kuala Lumpur, waxayna dhamaan ku labisnaayeen Dhar aad u bilic sareeya isla markaana waxay wateen Boorar ay ku qoranyihiin Erayo iyo Halheysyo Nabi-ammaan ah, waxayna sidoo kale qaadayeen Nashiidooyin iyo Qasaaid Nabi-ammaan ah, waxaana Hogaaminayey Madax iyo Saraakiil ka tirsan Dowladda Iyo Golaha Sare Islamka Malaysia.
 
Salaadii jmacaha kadib: waxay Dadkaasi isugu soo urureen Goobo Mucayan ah oo loogu tala galay, waxaana u khudbeeyey Mas’uuliyiin Heer Qaran oo ka tirsan Dowlada Malaysia iyo Culamaa’udiin waaweyn oo kamid ah Golaha Sare islaamka Malaysia.
 
Waxay aheyd Goobtii ugu Weyneed oo leysugu soo ururay Fagaaraha weyn ee Qasriga Madaxtooyada oo ku yaala Magaalada “Putru jaya” oo ah Halka ay dagan yihiin Boqortooyada Wadankan Malaysia, waxaana Halkaas isugu yimid Dadweyne kor u dhaafaya 13000 (Sadex iyo Toban Kun) oo qofood, sida ay sheegtay Jariidda Maalin laha ah ee “The Star” ee kasoo baxda Dalkan Malaysia Cadad-keedii 18472 soona baxay, Sabti 27/02/2010, oo Bogageeda hore kusoo bandhigtay Saiwirada Dadka usoo Bannaan baxay Soo dhaweynta Ixtifaalka Dhalasha Rasuulka-scw, waxaa iyaduna si weyn uga hadashay Jariiradda kale ee Magaca dheer kuna hadasha Afka Dowladda ee “New Straits times” Cadadkeedii soobaxay Sabti 27/02/2010
 
Waxaana halkaasi ka hadlay Raysul-wasaaraha wadankan Malaysia “Dato: Najib Tun Razak” oo Halkaas kasoo jeediyey Khudbo aad u Qiimo badan oo ku aadan Munaasabadda Mowlidka Rasuul-scw, waxaana kamid ahaa waxyaabihii uu ka hadlay:
 
Midnimada Shacabka Malaysia wuxuuna soo qaatay in Nabiga-scw, lala soo diray sidii Anbiyadii kale ee horeysaba loola soo diray, Afar waxyaabood oo kala ah: Run, Ammaano, Xikmad Badan, iyo Gaarsiinta Xaqa, R/Wasaaruhu wuxuu yiri: waa inaan Afartaas shey ku sifownaa guusha aan heysanana kusii adkeysanaa.
 
Mar uu sidoo kale ka hadlayey Midnimada guud ee Muslimiinta Caalamka iyo sida ay daruuriga u tahay wuxuu yiri: waa in ay Muslimiintu midoobaan kana baxaan tafaraaruqa isla markaana Darsi ku qaataan Dagaalkii Uxud markii ay khilaafeen Nabiga-scw, iyaguna is khilaafeen inuu soo gaaray jab kaas oo ahaa Cibro iyo Darsi.
 
Sidoo kale waxaa halkaas ka hadlay Qaar kamid ah Salaadiinta Sar-sare ee Boqortooyada iyo Culamaa’udiin waaweyn oo iyaguna ka tirsan Golaha Sare islaamka Malaysia.
 
Waxaa Xafaladda ka qeyb galay Qeybaha kala duwan ee Dhamaan Madaxda sare ee Wadankan Malaysia, dhinaca Boqortooyada waxaa ka qeyb galay Salaadiinta Wilaayooyinka kala gadisan, dhinaca Dowladdana: R/Wasaaraha “Dato: Najib Tun Razak” iyo Marwadiisa, Golaha Wasiirada iyo Saraakiil Sa-sare oo Dowladda kamid ah, iyo dhinaca Hogaanka Diinta oo ah “Golaha Sare Islaamka Malaysia”.
 
Waxaa kaloo lagu marti qaaday kana soo qeyb galay, Xuska Dhalasha Nabiga-scw Hogaamiyaal kasocday Diimaha kale oo aan Wadankan ku badneyn, oo iyaguna Halkaa goob joog ka ahaa.
 
Wuxuuna R/wasaaruhu Abaal marinno gudoonsiiyey, sidii Sanad kastaba Xilligan oo kale Caadada u ahaan jirtay Dad isugu jira Mas’uuliyiin, Aqoon-yahano, Khubaro, Howl-wadeeno, iyo Dadweyne.
 
Sidaasoo kale ayaa lag soo tabiyey inay Ixtitfaaladu ka kala dhaceen Dhammaan Gobolada kale ee wadankan Malaysia, taasoo ay idaacdaha Talefishinada iyo Raadiyaalkuba ilaa waqtigan wali ka hadlayaan.
 
Waxaa kaloo xusid Mudan: in dhammaan Masaajidda Wadanka Malaysia Khudbadii Jimcaha looga hadlay Khudbooyin ku saabsan Xuska Mowlidka Rasuulka-scw, waxaana la iclaamiyey in aanay intan kaliya ku ekeyn oo ay Xafladaha Mowlidku socon doonaan inta ay bishu ka dhamaaneyso, taas oo ilaa iminkaba meelo kala duwan ka soconeysa, iyadoo waliba habeenadan oo dhan uu jawiga wadankan hareeyey Iftiinka iyo Dhawaqa waxa loo yaqaano “Bula Leyr-ka” ee loo ridayo Reyn-reynta iyo Farxadda loo sameynayo Dhalashada Nabigeena Muxammad-scw.

 
Warkan iyo Sawirada Linkiyadan ka eeg
 

 
C/qadir Sh.Maxamad Mataan-(Sh.Colow).
shcolow@hotmail.com
Mobile: 0060-173817184
UK. Line: 0044-2079936645
Kuala Lumpur – Malaysia.