Xoogaga Ahlusunnah oo gabi anaanba la warareegtay gacan ku haynta magaalada balwayne

10 01 2010
Xoogagga Ahlu Sunna Waljamaaca ee Gobolka Hiiraan oo gacan ka helaya dadka deegaanka ayaa gebi ahaanba la wareegay gacan ku haynta Magaalada Baladweyne ee Xarunta Gobolka Hiiraan.
 
Dagaalka bilowgiisa ayey Ciidamada Ahlu Sunna wal jamaaca markii horeba soo jiireen Difaacyada Xisbiga xasan daahir ee bilahan danbe dulmiga ku haystey magaalada Baladweyne.
 
Dagaal qaraar kadib , ayaa dib loo soo baacsaday khawaarijta Xisbul awes , waxaana la isla soo galay Gudaha magaalada oo dagaalku saacado ka socday.
 
Khawaarijta Xisbul Shaydaan oo gabaad ka dhiganeysey Xaafadaha Shacabka ayeysan u suura galin in ay dagaalka ka sii wadaan Gudaha Baladweyne maadaama Shacabka Baladweyne ay dhankooda dagaalka ka galeen oo ay gacan siinayeen xogagga Ahlu Sunna wal jamaaca , taasoo soo dedejisey jabka khawaarijta la baxday Xisbul Shaydaan.
 
Dhinaca Galbeed ee ka baxsan Magaalada ayaa laga maqlayaa rasaas goos goos ah ; waana halka ay ku Carareen firxadka khawaarijtu ; waxaana halkaas ku baxay ciidamma hor leh oo la filayo in ay ka keenaan jawaab deg deg ah.
 
Dadka reer hiiraan ayaa aad uga dhur sugaya si weynna u dalbaday in kooxaha khawaarijta laga sifeeyo guud ahaan gobolka hiiraan , taasoo la filayo Ilaahay idankii in lagu guulaysto waqtiga ugu dhowaanshaha badan.

 
Ahlu sunna media kala soco warar , xogo iyo barnaamijya muhiim ah.