AHLU-SUNNA IYO MUSTAQBALKA DHOW , ARAGTIDA DADWEYNAHA.
  by wariye axmed khadar



Markii aad eegtid qaabka ay wax umaamulayaan culumada ahlusunna , habka ciidan oo muda gaaban ay ku hanteen magaalooyin waaweyn oo gobolada dhexe ee soomaaliya soo dhaweynta shacabka kaimanaysa iyo u riyaaqidda hab dhaqanka ciidan ayaa waxa ay dadka arimaha soomaliya aadka wax uga qora ay cabirayaan in ay soomaaliya markan haysato fursadii ugu wanaagsaneed marka laga hadlayo dabaylahan sida tartiib tartiibta ah miyi iyo magaalo ka dilaacaya .
 
Dad farabadan oo soomali iyo ajaanib leh ayaa markaan waxa ay aad u danaynayaan in ay xog dhab ah ka helaan ahlu-sunna wal-jamaacah iyo waxa ay yihiinba madaama ay cudud milatari ay lasoobaxeen oo shacabkuna garab socdo , ayagoo lagu timaamay ciidamada kaliya ee jilibka ulaabay al-shabaab iyo xisbul islaam .
 
hadaba su'aalaha maskaxda dadka ka guuxaya ayaan hor dhigay shiikh abuu yuusuf al-qaadi oo kamid ah masuuliyiinta ahlu-sunna waxa uuna yiri " Ahlu-sunna wal-jamaacah walaal waa dadka soomaaliya ka ilaalinjiray hadana ka ilaaliya in diinta la waxyeeleeyo ayadoo magaca diinta la adeegsanayo (HADMU DIIN BI'ISMU DIIN) waxayna leeyihiin taariikh fog, kaalin buuxdana waxay kuleeyihiin fidinta diinka islaamka min laas kambooni ilaa laas caseer , iyo waliba caalamu islaami oo dhan , qorigoodana waxa uu ku jeedaa isbahasiyadaasi sheydaanka ah , oo Diin,dad iyo dalba rabin,mabda'yagu waa sidaas, insha alahu mustaqbalka dhowna waan ka sifaynaynaa somaliya anagoo kaashanayna Eebbe SWC iyo shacbka , anaguna qola gaar ah manihin oo caqiidadeenna wanaagsan ayaan daafaceenna,waxa culumada , macaliminta , ardayda ku qasabtay in ay qorigooda qaataan waa markii ay u adkeysan waayeen sida diinka looga beensheegayo oo dadkii waxgalka ahaa ee soomaaliya loo ugaarsanayo ayadoo masaajidda lagu dilayo ayagoo sujuudsan , cid walba oo isku daydana in ay wax yeeleyso diinka waxaan siinaynaa cashar lama ilaawaan ah sida haatanba aan u galnay qolyahaan magacyada badan ALXAMDULILAAH ".
 
Ugu danbayntii , Culumada ahlu-sunna wal-jamaacah oo mowlacyo waaweyn ku leh guda dalka somaaliya kuwaas oo abaabullo xoogan kujira waxaa suura gal u noqon karta sida ay qabaan aqonyahanno badan in ay dagaalkooda ku guuleysankaraan , oo sidaasi saaxada dalka looga saaro al-shabaab , balse taasi waxaa hirgalinkara shacabka soomalida ah oo hiil iyo hooba lagarab istaaga culumada sida aan iminkaba ku soo arkay gobollada dhexe.
 

Xafiiska Wararka ee mustaqiim.com

mustaqiimcom@hotmail.com